10 طرق لتتفيش الزوجة !! >> (للرجال فقط)

10 طرق لتتفيش الزوجة !!
عزيزى الشاب اذا كنت متزوجا حديثا وشعرت بانك استعجلت فى زواجك ..او انضحك عليك من أهل عروستك..وعايز تسيبها او تخلع منها..من غير ما تدبس نفسك فى مصاريف جديدة..ليس أمامك سوى طريقة التزهيق والتطفيش التى يمكن لك ان ممارستها مع زوجتك حتى تسلم هى لك وتطالبك بحريتها..دون التقيد باى التزمات مالية..وها هى 10 طرق سليمة وبسيطة وغير مكلفة ..يمكن استخدامها لكى تعكنن على مراتك..
1_ أصحى يوم الجمعة بهمة ونشاطوجهز الافطار لزوجتك بس متنساش انك تستخدم 15 طبق وأكبر كمية من الملاعق والشوك و5 حلل من اللى عندكم فى المطبخ و10 كوبيات لاعدادطبق بيض وسندوتش جبنة ..بس متنساش ترك أثار السمنة أو الزيت على الارض مع ترك باب الثلاجة مفتوح وقشر البيض فى الحوض.
2_اذا كنت بتتفرج على التلفزيون وهى عايزة تغير القناة.قولها معلش الحلقة دة مهمة أوى وأحد اصدقائى شافها على قناة فضائية وقالى ان الحلقة دة المسلسل كلة ..ولو كنت بتتفرج على ماتش كورة هيبقى الموضوع سهل ..كل ما أحد من الاعبينمن أى فريق يمسك كورة قولها معلش ثوانى انا حاسس ان الكورة دة جون..حتى لو كان حارس المرمى هو اللى ماسك الكورة والماتش واقف لان فى واحد مصاب ..ملاحظة أغلب النساء ذوات ثقافية كروية ضعيفة.
3_فى الصباح وأنت ذاهب لعملك وهى نائمة تعمد اسقاط أى شى ثقيل أو خبط فى الباب بصوت عالى علشان تصحيها هى كمان ..اشمعنى انت تصحى يعنى وهى لأ؟؟ ولو هى حاولت الرجوع للنوم مرة أخرى..قولها مادام صحيتى حضريلى الفطار بقى...
4_فى يوم عيد ميلادها زين لها تورتة عيد ميلادها بخمسين شمعة ..ولو سألتك لية خمسين رغم ان عندها 15 سنة بس !!اتحجج بضعف الانارة فى البيت وأنت بتبص على النجفة اللى عندكم اللى فيها 30 لمبة مع ابتسامة صفراء بسيطة وخفيفة.
5_لو مراتك عاملة رجيم ..اجرى على السوبر ماركت ومحلات بيع الحلوى واملى الثلاجة بالشكولاتة والجاتوهات والبيبسى واكياس الشيبسى ..ويراعى منك التجول فى الشقة وأنت مستمتع بأكل الجاتوة وتلك الملذات أمامها
6_ ماتنساش رأيك فى طبيخها ..لو عاملة لحمة قولها حلوة اووى الفراخ دة..ولو عاملة حلة بامية قولها حلوة اووى الملوخية دى ياحياتى حطة عليها أية؟ولو عاملة كيكة قول لها انا بحب أشرب الشاى مع البسكويت الحلو دة .
7_لو طلبت منك تنشر الهدوم..قول لها حاضر مع ابتسامة خفيفة..وبعد ما تخلص من نشر الهدوم..أدخل عليها وقول لها أنا نازل أجيب الهدوم اللى وقعت منى فى الشارع ..ولو سألتك هو أية اللى وقع ؟؟أذكر كل هدومها اللى كانت مغسولة مع فردة شراب من بتوعك علشان متبقاش مقصودة منك
8_لو الزوجة قررت مسح أرضيات البيت ...حاول أنك تروح وتيجى على المناطق المبلولة..متحجج بانك محتاج تتصل بواحد صاحبك ضرورى مرة ومرةعلشان تجيب الجورنال..ومفيش مانع انك تقول انك حاسس ان التليفون هيرن كمكان شوية..
9_لو كانت هى مشغولة فى نظافة البيت أو مع الاولاد ..وطلبت من كتغسل كوبايتين شاى بتوع الصبح الموجودين فى الحوض ..ارجعلها كمان دقيقة من دخولك المطبخ وانت ماسك كوباية من الاثنين وهى مكسورة..وأسالها فى براءة (( أرمى دة فين؟؟))
10_وأنت قاعد تتفرج على التليفزيون وهى طالع عينها فى تنظيف البيت وبعد ما تخلص وتيجى تقعد تستريح جنبك ..بصلها وقولها حبيبتى معلش ممكن كوباية مياة علشان ظهرى بيوجعنى !!
أتبع تلك ال10 طرق وادع لى ..وشوف بيتك هيبقى جنة أم لا

موضوع جميل جدا و الله انت تستاهل تبقه محاجه اكبر من المدير